Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Մեծ էկրաններին արդեն ամանորյա տրամադրություն է․ «Հարսնացուն Ամերիկայից կամ Նոր տարվա կինո 2» ֆիլմի պրեմիերան  

20:28, 6 նոյեմբերի

Կինոմոսկվայում երեկ կայացել է «Հարսնացուն Ամերիկայից կամ Նոր տարվա կինո 2» ֆիլմի պրեմիերան։

Ֆիլմն ամանորյա նոր կատակերգություն է, որը խոստանում է ոչ միայն ծիծաղ ու տոնական տրամադրություն, այլև սիրո, ընկերության ու մարդկային արժեքների մասին հուզիչ պատմություն։

Ռեժիսոր Ելենա Արշակյանի ֆիլմի առանցքում այս անգամ Սևակի սիրո պատմությունն է։ Տարիներ առաջ տեղի ունեցած պատահական հանդիպումը նրա համար վերածվել է մի երազանքի, որի իրականացումը գրեթե անհնար է։ Բայց Սևակը չի դադարում հավատալ, որ մի օր կգտնի իր սիրելիին։ Եվ հենց այստեղ էլ սկսվում է ամանորյա հրաշքը, որը հիշեցնում է՝ իսկական սերը սահմաններ չի ճանաչում, իսկ երազանքներն իրականանում են, երբ չենք դադարում հավատալ դրանց։

Ֆիլմում խաղում են Մկրտիչ Արզումանյանը, Անի Երանյանը, Վարուժան Մարգարյանը, Արմինե Պողոսյանը և այլոք։ Սիրված ու արդեն ծանոթ դերասաններին երկրորդ ֆիլմում նոր հանդիպումներ ու նոր փորձություններ են սպասվում։ Եվ եթե էկրանին հերոսները երբեմն դժվարությամբ են ընդհանուր լեզու գտնում, ապա կադրից դուրս ամեն ինչ այլ է եղել՝ լի ծիծաղով, զավեշտալի իրավիճակներով ու միասին աշխատելու ուրախությամբ։ «Կերպարիս ուղերձը, ըստ իս, դա այն է, որ կարծում եմ՝ այն մարդիկ, ովքեր որ էս ֆիլմը դիտեն, դուրս կգան, դուրս կգան սիրո հանդեպ փոքր-ինչ էլ ավելի մեծ հավատով, որ իրոք սեր կա, ու շատ լավ, շատ մեծ սեր կա էս կյանքում, ու պետք է հավատալ դրան»,–ասում է գլխավոր հերոսի՝ Սևակի կերպարը մարմնավորող Վարուժան Մարգարյանը։

Ռեժիսոր Ելենա Արշակյանն ընդգծում է՝ ֆիլմի միջոցով արտահայտում է իր մտքերը, բողոքը, տեսլականը։ Այս ֆիլմի ուղերձն, ասում է, պարզ ու հասկանալի է․ «Իմ ֆիլմի ուղերձը էս անգամ շատ պարզ, շատ հասկանալի, ու ամենակարևորը, որ հանդիսատեսը, ես հասկացա, որ դահլիճից դուրս էր գալիս լռության մեջ և մտքերով։ Մենք չպետք ա մոռանանք՝ մենք ով ենք։ Ու ամենակարևորը, որ մենք, հիշելով մեր անցյալը, պետք է նոր կարողանանք առաջ շարժվել»։

Սցենարիստ Անահիտ Մխիթարյանն ասում է՝ չենք կարող կատարյալ երջանիկ լինել, քանի դեռ մեր ամենակարևոր երազանքները չեն իրագործվել. «Մենք չենք կարող երջանիկ լինել, քանի դեռ ամենակարևոր երազանքը որևէ մեկիս չի կատարվել։ Ու դա իսկապես պաթոս չի, դա էդպես ա։ Մենք չենք կարող մեր տան մեջ, մեր փողոցում երջանիկ լինել։ Ու ուզեցինք հիմա էլ ասել հիշելու, չմոռանալու ու շնորհակալ լինելու մասին»։

Ֆիլմի ավարտին հանդիսատեսը կինոդահլիճից դուրս էր գալիս տարբեր զգացողություններով։ Ամանորյա կատակերգությունը կարողացել էր ոչ միայն ծիծաղեցնել, այլև հուզել, արթնացնել հիշողություններ, որոնց մասին երբեմն դժվար է խոսել։

 


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search